Қашықтықтан оқыту барысында сыныпта сонымен қатар басқа оқушылардан білім, білік, дағдысы бойынша көш ілгері оқушылар отыр. Мұғалімдер сыныптағы алымдары үш түрлі оқушыларды толық қамтуы мүмкін немесе керісінше не ұмытып кетеді, не керісінше соларға көп көңіл бөліп қояды. Деңгейлік саралаудың мәні – бір сыныпта бір бағдарламамен және бір оқулықпен оқи отырып, оқушылар оқу материалын әр түрлі игереді. Осы мәселелер жөнінде «Өрлеу «БАҰО» АҚ ШҚО ПҚ БАИ «Мектепке дейінгі тәрбие және тұлғаны әлеуметтендіру» кафедрасы облыс мұғалімдерінің сұранысы бойынша «Саралап оқыту тәсілдерін қолданудың маңызы» тақырыбында дәріс-диалогпен ашық сұхбат өткізді. Кафедра аға оқытушысы, т.ғ.к. Чекетаева Роза Сарқытбековна онлайн ашық сұхбат барысында ұстаздарды толғандырып жүрген сұрақтар төңірегінде ой қозғады.
Бұл іс-шараны өткізу бүгінгі күн сұранысынан туындады. Өйткені қашықтықтан оқыту кезінде білім алушылардың оқу мақсатына жетудегі сыныптағы оқушылардың көпшілігінің ілгерілеуін көрсетуге мүмкіндік беретін тапсырмаларды жоспарлау мұғалім үшін өзекті мәселелердің бірі. Ұстаз қашықтықтан қолдау көрсетуді қажетсінетін және күрделі тапсырманы орындайтын оқушы үшін тапсырманы қалай бейімдеуге болаынын жоспарлай алуы керек.
Сыныптағы саралау жұмысының жалпы ортақ қабылданған тәсілдерін қарастыру негізінде қашықтықтан оқытуда сабақты жоспарлауды зерделеу мақсатында өткен сұхбатқа тек облысымыз ғана емес, басқа өңірлерден де қатысушылар болды. Көкшетау қаласы Педагогикалық шеберлік орталығына тартылған тренері А.Аскарова өзінің саралау туралы тәжірибесімен бөлісті. Назарбаев Зияткерлік мектебінің тәжірибесіндегі саралауды қолдану бойынша мәліметтерге мұғалімдерге қызықты болды. Алматы облысы, Алакөл ауданының №14 орта мектебінің оқу ісінің меңгерушісі М.Аргынбаева қашықтықтан оқытуда саралауды ҚМЖ-ға кіріктіру бойынша мұғалімдерден келіп түскен сұраққа өз пікірін білдіріп, дәріскер сұрақтарына да зерттеушілік диалог арқылы қатысты. Өткен іс-шара өз мақсатына жетті, ұстаздар болашақта шеберлік сағатын өткізуге ұсыныс берді. Қазіргі таңда ғалымдар «барлығына жарамды» моделі бір адамға да онша пайдалы емес, ең оңтайлысы – «біреуіне жарамды» оқыту деп отыр деп ашық сұхбатқа ұласқан дәріс-диалогті аяқтады.
