Осындай игі шаралар легі көбеймесе, азайған емес. Осыған орай «Ш.Уәлиханов атындағы Сарыөлең орта мектебі» КММ бойынша да көптеген қайырымдылық көмектер жасалынды. Мектеп мұғалімдері аз қамтылған отбасы балаларына оқу құралдарымен көмектессе, округімізден сайланған аудандық мәслихат депутаты, осы мектептің түлегі Нұрлан Қасымханов үш оқушыны толық мектеп формасымен, оқу құралдарымен қамтамасыз етті. «Бір сәби қуанса, мың періште қуанады екен» деген халық арасына кең тараған сөзге сүйенсек, беделді азаматтың осы жасаған қайырлы ісі патша көңіл бала жүрегінен мәңгі орын алары сөзсіз.

    Мектеп оқушылары мен ата-аналары атынан халық қалаулысы кәсіпкер азаматқа үлкен алғыс айтамыз. «Еліңнің ұлы болсаң, еліңе жаның ашыса, азаматтық намысың болса, қазақтың ұлттық жалғыз мемлекетінің нығайып, көркеюі жолында жан теріңді сығып жүріп еңбек ет»,- деп Елбасымыз Н.Назарбаев  айтқандай, елі мен жерін көркейтуге үлес қосып жүрген азаматтардың істері ілгерілеп, еңбектері жана берсін дегім келеді.