Көрнекілік және қажетті  құралдар: Үтік, розетка, киімдер, су, күн, қоян, аю суреттері.

Қолданылған әдіс-тәсілдер: Сұрақ-жауап, әңгімелеу, көрсету.
Тілдердің үштұғырлылығын жүзеге асыру:  Үтік-утюг-iron.

Ұйымдастырылған оқу қызыметінің барысы
КІРІСПЕ:
Тәрбиеші балалармен шеңбер бойында тұрады.
Тәрбиеші:
— Ал кәне, балалар досымыздың қолынан ұстап достық шеңберіне тұрайық.
Қуан, шаттан! Алақай!
Қуанатын келді күн.
Қайырлы таң! Қайырлы күн!
Күліп шықты бүгін де күн!
—  Бүгінгі күліп шыққан күн секілді менің көңіл-күйім өте жақсы, сендердің көңіл күйлерің қалай
Балалар:
—   Жақсы
Тәрбиеші:
—  Ендеше осы жақсы көңіл-күйімізбен, келген қонақтарымызбен үш тілде сәлемдесейік:
Қайырлы таң!
Доброе утро!
Good morning

Тәрбиеші:
—  Балалар қазір жылдың қай мезгілі?
Балалар:
—  Күз мезгілі
Тәрбиеші:
—  Күзде ауа райы қандай болады?

Балалар:
—  Күн салқындайды, жел соғады, ағаштың жапырағы сарғаяды.

Тәрбиеші:
—  Ағаш тірі табиғатқа жатама,әлде өлі табиғатқа жата ма?

Балалар:
—  Тірі табиғатқа жатады өйткені ол өседі.

Тәрбиеші:
—  Жарайсындар балалар.
— Олай болса қазір мен сендермен «Сиқырлы қорап» деген бір ойын ойнайын. Сендер білесіңдер ғой, бұл ойынның қалай ойналатынын ия.
—  Дұрыс, қорап ішіндегі заттарды қолымызбен ұстап, атын атап беруіміз керек.
     Балалар қораптың ішінен кішкене көлік,  шаршы, бананды тауып алады. Соңында қораптың ішінде үтік қалады. Балалар оны таба алмады.

Тәрбиеші:
—  Қораптың ішіндегі бұл не зат екен?
—  Барлық үйде бар, аналарымыз қолданады екен.
—  Олай болса қане орнымызға отырып басқа да қызықты ойындар ойнап көрейік, мүмкін бір шешімі болар.
Тәрбиеші  балаларды  орындарына отырғызып, кезекпен тапсырмаларды ұсынады.

І-ші тапсырма: «Тілді жаттықтыру».
Тәрбиеші:
—  Олай болса кішкене  жаттығу жасап алайық.
Та-та-та, сақалды ата.
Ыз-ыз-ыз, әдемі қыз
Ке-ке-ке, асқар әке.
На-на-на, асыл ана

ІІ-ші тапсырма: «Сурет бойынша  жұмыс».
Тәрбиеші балалардың назарын тақтадағы суретке аударады.

Тәрбиші:
—  Мынау не?
Балалар:
— Розетка
Тәрбиеші:
— Түсі қандай?

Балалар:
—  ақ

Тәрбиеші:
— Розетка не үшін қажет,біз оған нелерді қосамыз.
Балалар:
— Шаңсорғыш,теледидар, ұялы телефон және т.б

Тәрбиеші:
—   Ал мынау нелер?

Балалар:
-Киімдер, кәне атайықшы, кофта, көйлек, шалбар.

Тәрбиеші:
— Балалар сөйлем құрайықшы.

Балалар:
— Менің әкемде шалбар бар.Маған анам әдемі көйлек сатып алып берді. Апайымда ақ түсті кофта бар.

Тәрбиеші:
— мына суретке назар салайықшы не көріп тұрсыңдар.

Балалар:
— Су

Тәрбиеші:
—  Су бізге не үшін қажет?

Балалар:
—  ішеміз, жуынамыз, кір жуамыз, шай қайнатамыз.

Тәрбиеші:
— Өте дұрыс айтасындар. Олай болса кім айтады, су туралы қандай тыйым сөздер бар. Айдана сен тұрып айта ғойшы, тағы кім айтады. Айнел сен тұрып айтшы.

Тыйым сөздер:
«Суды төкпе».
«Суды текке  шашпа».

Тәрбиеші:
— кәне осы су туралы тақпақ білеміз бе, Раяна сен тұрып айта ғой.
Раяна:
Сылдырлайды мөлдір су,
Мөлдір суға қолынды жу.
Су дегенің осы,
Тазалықтын досы.

Тәрбиеші:
—  Балалар сиқырлы қораптағы затты тоққа қосамыз екен, киімдерді әдемі болдыртатын, су құятын , қандай зат болуы мүмкін.

Балалар:
—  Үтік.

Тәрбиеші:
— Дұрыс айтасындар, мұндағы жасырылған зат үтік екен. Үтіктің қандай пайдасы бар. Үтіктің түсі қандай?

Балалар:
— Көк

Тәрбиеші:
— Үтіктің қандай пайдасы бар?

Балалар:
—  Киім үтіктейміз.
Тәрбиеші:
—  Балалар  тоққа қосқанда ол қайтеді 

Балалар:
— ыстық болады.

Тәрбиеші:
— Ыстық үтікті ұстаса не болады?

Балалар:
— Қолымыз күйіп қалады.

Тәрбиеші:
-Балалар ыстық үтікті ұстауға болмайды.Ересектер жоқ кезде тоққа қосуға болмайды! Өйткені тоқ соғады.Кәне балалар бір сергіп алайық.

Сергіту сәті:
Ұзын мұртты құмырысқа,
Келе жатты жұмысқа.
Допты алды қолына,
Допты қойды жолына.
Оңға қарады,солға қарады,
Тау екен деп ойлады.

Тәрбиеші:
— Жарайсындар балалар орынымызға отырайық.
ІІІ-ші тапсырма: «Үтікті сипаттау»
Балаларға  қоян мен аюдың суреттері таратылып беріледі, сол арқылы екі топқа бөлінеді.

Тәрбиеші:
— Балалар тапсырманы дұрыстап тыңдап алыңдар. Аю тобы қоян тобына, ал қоян тобы аю тобының қалай тапсырманы орындағанын айтып беретін боласыңдар. Тапсырма төмендегідей:

—         Үтіктің түсі қандай?

—         Неден жасалған?

—         Егер дұрыс жауап берсеңдер бас бармақтарыңмен жоғары  қаратып  көрсету.

—         Ал егер қателесіп жатса басбармақты төмен қаратып көрсету.

Қоян тобы мен аю тобының жауабына тәрбиеші кері байланыс жасайды.

Тәрбиеші:
— Дұрыс айтасыңдар. Сендердің бағаларыңа қосыламын. Өйткені екі топта үтіктің түстерін дұрыс атап, оның неден жасалғанын айтып бере алдыңдар. Сондықтан мен де былай бағалаймын.

Олар дұрыс айтқан үшін.
ҚОРЫТЫНДЫ:
Тәрбиеші:
—    Кәне, балалар, бүгінгі ойында өзіңді қалай бағалайсын. Алдарында  күліп тұрған, ренжіп тұрған күндер тұр. Мен күліп тұрған күнді аламын,өйткені көңіл күйім өте тамаша. Өздеріңе ұнаған күндерді алыңдар.Өте жақсы.
Қонақтарға сау бол айтайық.