Курстан өту кезінде тренер Манашева Е.К. түрлі әдіс-тәсілдерді тиімді қолдана отырып, өткізген сабақтарынан жаңартылған оқу бағдарламасының өзгерістері, ерекшеліктері, құрылымы, мақсаты, міндеттері  туралы жетік мағлұмат алып, түсіндік. Жаңартылған білім беру мазмұны бойынша оқушыларды сабақ үрдісінде қалай белгілі бір өлшемдер арқылы бағалау керектігін, қысқа мерзімді жоспарды тиімді жоспарлауды, оқушылардың қажеттіліктерін дұрыс анықтау және әр оқушыға тиімді кері байланыс беруді, уәжін арттыруды, заман ағымы талап етіп тұрған XXI ғасыр дағдыларын, зерттеу дағдыларын қалыптастыруды өте жақсы меңгердік. Бастауыш сыныптың негізгі пәндері бойынша шағын сабақтар өткізу арқылы тәжірибемізге қажетті ақпараттар алдық. Кері байланыс беру барысында әрбіреуіміз құнды ақпараттар алып, көкейімізде жүрген сауалдардың жауабын алып, ойларымызбен бөлістік. Курс соңында тапсырған тест бойынша топ толық өтіп, нәтижесі 100%-ды көрсеткеніне өте қуаныштымыз. Аз ғана күннің ішінде ауқымды жұмыс атқарған, топ тренеріміз Еркежан Каирдиновнаға айтар алғысымыз шексіз. «Өрлеу» біліктілікті арттыру институтына осындай білім саласындағы өзгерістер мен жаңалықтардан қалыспай, жоғары деңгейлі курстарды ұйымдастыра беруіне тілектеспіз.
       Ұлы педагог К.Д. Ушинский: «Мұғалім өзінің білімін үздіксіз көтеріп отырғанда ғана мұғалім, оқуды, ізденуді тоқтатысымен оның мұғалімдігі де жойылады» деген, яғни бүгінгі күннің мұғалімі жаңалыққа жаны құмар, жан-жақты болып, білімді үздіксіз жетілдіруі қажет екендігіне көзіміз тағы бір мәрте жетіп отыр.