LESSON STUDY мұғалімдердің білімін қалыптастыру және оқыту мен оқуды жетілдіру тәсілі

Маушанов Д.Б.,

Герасимовка орта мектебінің директоры,

Ұлан ауданы

Герасимовка ауылы

Егеменді еліміздің келешек ұрпағы қазіргі заманның сұранысына лайықты ой- өрісі кең, өзіндік көзқарасы орныққан, жеке ерекшеліктерімен дараланып тұратын тұлға тәрбиелеу – бүгінгі мектептің басты міндеті болып табылады.

Педагогтерге қарқынды өзгеріп жатқан өмір жағдайында үздіксіз кәсіби дамудың қажеттілігін насихаттау; сындарлы оқытудың түйінді идеяларымен, мазмұнымен таныстыру; сабақтың интербелсенділігі мен инклюзивтілігін қамтамасыз етудің қажеттілігін негіздеу; сертификатталған мұғалімдердің тәжірибесін тарату арқылы өзге мұғалімдердің тәжірибесіне өзгеріс енгізуге ықпал ету мақсатында «Өрлеу» БАҰО АҚ-ның филиалы ШҚО бойынша педагогикалық қызметкерлердің біліктілігін арттыру институтының Ғылыми-жаратылыстану және гуманитарлық пәндерді оқыту әдістемесі мен инновациялық технологиялар кафедрасы мен Деңгейлік бағдарламалар орталығы ұйымдастыруымен мектебімізде «Сабақтың интерактивті және инклюзивті болуын қамтамасыз ету тәсілдері»тақырыбындағы облыстық семинар-тренингісі өткізілді.

Осы семинар аясында ұлттық сал- дәстүрмен тығыз байланыста өткізілген «LESSON STUDY мұғалімдердің білімін қалыптастыру және оқыту мен оқуды жетілдіру тәсілі ретінде» коучинг сабағымның жоспарын әріптестеріммен бөліспекпін.

Мақсаты	Практиканы жетілдіру құралы ретінде Lesson Studyді қалай пайдалануға болатынын мұғалімдер топтарының арасында көрсету.
Күтілетін нәтиже	Мұғалімдер Lesson Study үдерісін оқу мен оқытуды жетілдіру және оның сапасын арттыру құралы ретінде танып; • Lesson Study кезінде әріптестерге қалай қолдау көрсетуге болатынын түсінуді үйренеді; •мұғалім әрбір жеке оқушының оқуына қатысты өзінің оқыту тәжірибесі туралы ойлануға мүмкіндік алады; • Lesson Study циклінде сабақтың оқушылар қажеттілігіне сәйкес келуі мақсатында мұғалімдер инновациялық педагогикалық тәсілдерін жетілдіруге немесе оның сапасын арттыруға мүмкіндік алады.
Негізгі идеясы:	— Lesson Study – сыныпты зерттеу нысандарының бірі. Мұғалімдердің педагогикалық білімдері мен тәжірибесін дамытуға арналған. — Lesson Study- мұғалімдерді оқыту және олардың тәжірибесін дамытудағы ынтымақтастық тәсілі. -Lesson Study-оқу сапасын арттыруды көздеген тәжірибені жақсарту үшін демократиялық тәсіл.
Сілтеме	1.Lesson Study(сабақты зерттеу)бойынша мұғалімгеарналған нұсқаулық Баспаға «Назарбаев Зияткерлік мектептері» ДББҰ Педагогикалық шеберлік орталығының әдістемелік кеңесі ұсынған 2. Пит Дадли.Lesson Study: нұсқаулық, www.lessonstady.co.uk 3.Презентация «Lesson Study» 4.Г.А.Рудик «Культура умственного труда или 101 техника учения», Костанай -2000ж.
Материалдар және құрал-жабдықтар	Флипчарттар, маркерлер, стикерлер (әр түсті), тапсырмаларды орындау үшін қағаздар, видеоролик.

Коучинг барысы

Коучинг кезеңдері

Уақыт

Коучтің іс- әрекеті

Қатысушылар іс- ірекеті

Ұйымдастыру кезеңі

Мұғалімдерге

психологиялық

ахуал туғызу

5 мин.

Кіріспе сөз.

Ұйымдастыру.

Мұғалімдер өздерін қысқаша таныстыра отырып, алдарындағы

таратпа қағаздағы даналық сөздерді мәнерлеп оқиды.

Топтарға бөлу

Топтарды 3 ауылға бөлу

Тартпадағы сөздер авторлары бойынша топтарға бөлініп отырады.

IОй қозғау

5 мин.

«Мұғалім білімін жетілдіру» сөзіне ассосация құрау.

Коучингке қатысушылары өз ойларын жазып қорғайды.

II Түсіну

20 мин.
(13 мин. – работа,
7 мин. –
презентация)

1. Топтарға тапсырмалар беру:

Абай ауылы: «Lesson Study» ұғымына кластер құрау. (Қосымша 1)
Шәкәрім ауылы: «Lesson Study» сөзіне диаманта құрау . (Қосымша 2)
Мұхтар ауылы: «Lesson Study резюмесі» әдісі. (Қосымша 3)

Топ мүшелері зерттеудің түйінді идеяларына қатысты жауап табу үшін әдебиеттерді
зерделейді, өз жұмыстарын қорғайды.

Сергіту сәті

2 мин

Әр топ өз ауылдарына ұсынылған Абайдың «желсіз түнде жарық ай» өлеңінін шумағын музыка сүйемелдеуімен айтуды ұсынады.

Кері байланыс

10 мин.

Топтарға сұрақтар:
1) Lesson Studyкезінде мұғалімдердің бірге жұмыс жасауына ықпал ететін жағдайлар?
2) ) Lesson Studyкезінде мұғалімдердің бірге жұмыс жасауына ықпал ететін кедергілер?

3) Lesson Study-ді жоспарлауда мұғалімдердің бірге жұмыс жасауына қандай ықпал жасай аласыз?

Сараптау :

1. Сіздің келесі топқа қосатын ойыңыз.

2. Сізге ұнаған пікір

III Рефлексия

5 мин.

Сабақтан алған әсері

туралы пікірін стикерге

жазып, «Ізгілік ағашына» жапсыруды ұсынады.

Мұғалімдер коучинг туралы тілектерін «Ізгілік ағашына» іледі.