Жоғарғы оқу орынын аяқтаған соң, еңбек жолымды ерекше білім алуды қажет ететін балалармен жұмыс жасайтын кабинетте педагог-психолог болып жұмыс жасап келемін. Қазіргі таңда адам жанын емдейтін психолог мамандығы десем артық емес деп ойлаймын. Жалпы психолог деген кім? деген сұраққа қысқаша жауап беруді жөн санап отырмын. Адам баласының жан дүниесіне үңіліп, сезіне білетін, ішкі сезімдерімен санаса білетін білікті де, білімді маман.

Сонымен қатар, кабинет мамандары арасында да тренинг, сауалнама, кеңес беру жұмыстарын ұйымдастырып отырамын.

Әр адамның жүрегіндегі мұңды сезіп, ойды танып, дұрыс жол сілтей білу мамандықты талап етпейді, адамға деген мейірімділік пен ізгіліктен туындайды.

Диагностикалық қызмет көрсетіп, түзету-дамыту сабақтарын өткізіп, кеңес беру нәтижесінде, баланың психологиялық жанын сауықтырып, мінез-құлқын қалыптастырушы. Ұстаздық жолын таңдаған жандарға «Бала жанының бағбаны» деген ерекше теңеулер орайлы айтылған сияқты.

Осы уақытқа дейін алдыма келген жандардың көңілдеріне қаяу, жүректерінде мұңы бар ата-аналардың жанына жол тауып, қуаныштарын бөлісіп, сәтсіздік жағдайларында демеу болуға тырысып келемін. «Бала адамның бауыр еті», — дегендей ұрпағының болашағы үшін алаңдайтын әрбір ата-ананың сенімін ақтау ұлы іс.

Ерекше мұқтаждықты қажет ететін балалардың қоғамнан тыс қалып қалмай, өмірдегі өз орындарын тауып, кірпіш болып қалануына өз үлесімді қосудамын. Балалар әлеміне бір бағыт алсаң, ешқашан басқа жаққа кете алмайсың деп ойлаймын.

«Ұстаздық еткен жалықпас үйретуден балаға», — дегендей, әр оқушыма өмірдегі қиындықтырды жеңе білуге күш-жігер беріп, өмірге деген құлшыныстарын арттырып отырамын. Жабыққан жандарына желеу, қамыққан сәтте демеу болып, мүмкіндігінше кеңесімді беремін.

Әр баланың жеткен жетістіктеріне қуанып, болашақтарынан үлкен үміт күтемін.