Сондай ақ 2017 жылы 14-16 қаңтар айында өткен Шығыс Қазақстан Облыс чемпионатында өзінің шеберлігін көрсетіп ерінбей еңбек еткенінің арқасында 600 метрден оқушымыз Сулейманов Данил II орын, 300 м III орын және эстафетадан I орынды иеленді. Жақсы нәтиже көрсеткендіктен республика құрама командасына алынып, 2017 жылы 27-28 ші қаңтар айында Өскемен қаласында өткен Қазақстан Республикасының чемпионатында Сулейманов Данил 600 метрден III  орын иеленді.
     Ұстаздың міндеті — оқушыларының сапалы білім алуы, жақсы жетістікке жеткізуі, ал оқушылардың міндеті сол алған білімнен нәтиже шығару деп ойлаймын. Мектептегі қызықты пәндердің бірі дене шынықтыру пәні деп білемін. Дене шынықтыру сабағында басты нәрсе атқаратын – бұл, психологиялық жағдай. Бұл пәнде оқушылар ішкі жан дүниесімен өркендейді.
    Мектебімізде сабақтан тыс уақыттарда дене тәрбиесі пәні мұғалімдерінің жетекшілігімен спорт үйірмелері ұйымдастырылған. Үйірме жетекшілері мен оқушылардың табанды еңбектері өз кезегінде оң нәтижесін беріп те жатыр. Өзімнің өткізіп келе жатқан «Көпшілік спорт түрлерінің», соның ішінде «Жеңіл атлетика» үйірмесіне қамтылған оқушылардың алдында өз жауапкершілігімді сезіне отырып, аталған спорт түрінің алғашқы қыр-сырын меңгеруде ұстаз ретінде шығармашылығымды шыңдап келемін.
       Елімізде бүгінгі уақытта жақсы дамып келе жатқан спорт түрлерінің бірі – жеңіл атлетика. Олимпиадада еліміздің атын шығарып биік белестерден көрініп жүрген қаншама отандастарымыз бар. Сорт саңлақтарының  қатарын көбейтіп, жасөспірімдерді тәрбиелеуде әлі де талай жетістіктерге жететінімізге сенімім мол.