Жаңаша сабақтың орта мерзімді, қысқа мерзімді жоспарын құрастыру жолдарын үйретуді былтырдан қолға алғанбыз.
      Біздің арамызда ең алдымен шынайлылық, мейірімділік, қамқорлық, ашықтық, құпиялылық, сыйластық деген қасиеттер бізді көптеген жетістіктерге жетіп, балаларға білім беруді тереңдетіп қана қоймай, жаңаша беруімізге себеп тигізіп келеді деп ойлаймын.
      Тәлімгерімнің арқасында өз жұмысыма рефлексия жасап, бұрынғыдай емес, мен қазір әр сабағымда дайындағанда жаңа көзқараста отырып, сабақтың психологиялық сәт, сергіту сәті, рефлексияларын байланыстыруға тырысып, өздігінен жаңа идеялардың күннен-күнге туындап жатқанынан байқаймын. Өзіме деген сенімім қалыптасты. Өзімің өз білімін жетілдіру деген қобдишамды жақсартып, дамытып, байтып отырамын десемде болар.
      Жаңаша оқытуда тәлімгерліктің маған бергені мол десем артық емес. Оның дәлелі ретінде қысқамерзімді жоспар түрінде «Абылай хан» атты ашық сабағымды айтар едім.
     Сабақтың мақсаты — жаңа әдіс-тәсілдерді қолдану арқылы өз іс-тәжірибемізді әріптестерімізбен бөлісу және оқушылардың жаңа тақырыпты топтық жұмыстар арқылы өз беттерімен меңгеріп, білімдерін, ойларын еркін жеткізе алатындықтарын көрсету. Сабақ басында үштілділікті қолданып, психологиялық жағымды ахуал қалыптастырдым. Сосын топқа бөліп алып, әр топта спикер тағайындалып, олардың мақсаттары анықталып, яғни бағалаушы арқылы бағалау парағында өз-өздерін сабақтың кезеңдері арқылы бағалаулары сұралды. Ынтымақтаса жұмыс істей отырып, олар бір нәтижеге жету үшін топ ережелерін сақтаулары сұралды.
        5 «Ә» сыныбының жас ерекшеліктерін ескере отырып, сабақтың кезеңдерімен таныстырғаннан кейін үй тапсырмасын «Интеллектуалды футбол» әдісін қолдандым. Үй жұмысын қорытындылай келе, жаңа тақырыптың негізгі мақсатын оқушылар өздері анықтай алды. Тақырыпты меңгерту бойынша «Абылай хан» туралы бейнематериал көрсетіліп, түсінгендеріне кері байланыс ретінде кластер қолданып, оқушылар Абылай хан кім болды деген сұраққа жауап беріп, тақтаға кластер құрап, жазып жатты. Жаңа тақырыпты толықтыру мақсатында топтық жұмыс жандандырылып, әр топтарға арнайы жұмыстар ұсынылды: жұмысинтер белсенді тақтаны қолдана отырып(сандармен жұмыс), шарты: жасырылған даталарды оқулықтан тауып интер тақтаға жазу; терминдермен жұмыс та орын алды. Сергіту сәтінде Абылай ханның термесі оқушыларға рухани күш-қуат бергендей болды. Сабақты қорытындылау барысында СТО: семантикалық карта орындалды.
      Сыныптың дарынды оқушылары Нурай мен Самира өз шығармашылығы бойынша «Абылай ханға арнау»дегенөлең жолдарын оқып берді.
      Сабағыма қатысқан ұстаздар мен мектебіміздің директоры Г.К.Тилеубекова мен оқу ісінің меңгерушісі Ш.Е.Мухаметжанова жоғары деңгейде өтті деп баға берді.
      Өзімнің бұрын білмеген модулдерім туралы ақпарат көп біліп, үйрену, тәжірибеде қолдану заман талабы деп білемін.
      Жаңашыл мұғалімдердің озық тәжірибелерін пайдалану маманның тұрақты өз білімін арттырып, өзіндік рефлексия жасауына ықпал етеді. Ал кәсібилікті арттыру бағытында екеуміздің тұрақты, мақсатты жұмыс жасауымыз шығармашылық табыс көзі.
      Қорыта келе айтарым, нағыз тәлімгер деген атқа ие Толқын Нургалиевна өз тәлім алушыларын тәрбиелеуге барын салатын жан.
      Әлемде осындай өз ісінің шебері, білгенін үйретуден жалықпайтын тәлімгерім қамқор қолын ұсынып жүретін аяулы ұстаз екенін жақсы білеміз. Жаңалықтарды енгізуде озық ойлайтын кемел қабілеті тәнті етпей қоймайды, жастарға ұлағатты ұстаз, үлгі-өнеге. Тәлімгеріме шығармашылық еңбек, зор денсаулық, қажымас қайрат, отбасына баянды бақыт тілеймін.