Оқушылардың функционалдық сауаттылығын арттыру барысында математика пәні бойынша сын тұрғысынан ойлау, дамыта оқыту және модульдік оқыту технологияларының тиімді әдіс-тәсілдерінің элементтерін қолданамын. Осы бағытта қала және облыс көлемінде 8-сынып оқушыларымен «Математика сабағында модульдік оқыту технологиясын қолданудың тиімділігі» тақырыбында өз іс-тәжірибемді тараттым.
Модуль құрылысы: (сағат саны – 3)
|
Модуль құрылымы |
Сабақ реті |
Сабақ мазмұны, түрі |
Уақыты |
|
Кіріспе бөлім |
1-ші сабақ |
1) Ұйымдастыру кезеңі 2) Модуль құрылымымен таныстыру 3) Мақсаттары мен міндеттерін анықтау 4) Дәріс арқылы жаңа сабақ оқыту. |
2 минут 5 минут 38 минут |
|
Сөйлесу бөлімі |
2-ші сабақ |
1) Ұйымдастыру кезеңі 2) Модуль құрылымымен таныстыру 3) Мақсаттары мен міндеттерін анықтау 4) Жеке – топтық жұмыс –деңгейлік тапсырмалар орындау |
2 минут 5 минут 38 минут |
|
Қорытынды бөлім |
3- ші сабақ |
«Брейн – ринг» ойыны |
45 минут |
Сонымен қатар мүмкіндігінше АКТ құралдарын пайдалана отырып, оқушылардың өз бетімен жұмыс істеу қабілеттерін іске асыруға бағыттаймын. Оқу үрдісінде деңгейлік тапсырмаларды орындату арқылы дарынды оқушылардың білімін одан әрі жетілдіруге мүмкіндік туғызамын.
2016-2017 оқу жылындағы жаңа форматтағы енгізілген өзгерістерге байланысты қала мектеп «Алтын белгі» мен «Үздік» аттестат үміткерлерінің арасында ұйымдастырылған жаңа үлгідегі алгебра және анализ бастамаларынан алынатын емтихан жұмыстарының шығару үлгілері беріліп, сабақ ұйымдастырылды. Осы сабақ нәтижесінде оқушылар өзара есеп шығару тәсілдерімен алмасты. Өз білім деңгейлерін одан әрі жетілдіре отырып, емтихан тапсырмаларына дайындалуға бағыт-бағдар алды.
Функционалды сауаттылықты меңгерген оқушы өз бетімен білімді игеріп, өз болжамдарына күмәнмен, сыни тұрғыдан қарайды. Құрбы-құрдастарымен әлеуметтік байланыс жасайды. Белсенді түрде білім жинақтайды. Осының бәріне мұғалім көшбасшылық етіп, бағыт-бағдар беріп отырады. Оқушы оқу үдерісіне мұғаліммен бірге араласып отырады. Тіпті өзінің және сыныптас достарының білімін бағалауда да өз үлесін қоса алады. Мектеп тәжірибесінде табысты қолдануға ықпал ететін әдістемелік сипаттағы бірқатар жалпы ұсыныстардан тұратын бағдарламаның сыни тұрғыдан ойлауға үйрету; оқыту үшін бағалау және оқуды бағалау; оқытуда ақпараттық коммуникациялық технологияларды пайдалану; оқушылардың жас ерекшеліктеріне сәйкес оқыту және оқу; оқытудағы басқару және көшбасшылық болып келеді.Сондықтан бүгінгі өскелең ұрпақтың үлкен өмірге білек сыбанып, белсене араласа алатын қабілетін көтеріп, танып білу заман талабы. Олай болса оқушы бойына адамгершіліктің асыл қасиетін сіңіру, сапалы білім беріп, оның болашағын, жеке басын сыйлау біздің бірінші міндетіміз.
Пайдаланылған әдебиеттер
1.Мектеп оқушыларының функционалдық сауаттылығын дамыту жөніндегі 2012-2016 жылдарға арналған ұлттық іс-қимыл жоспары: / Қазақстан Республикасы Үкіметінің 2012 жылғы 25 маусымдағы №832 қаулысы // ресми мәтін. Астана: Әділет, 2012. – 14 б.
2.Қазақстан Республикасында білім беруді дамытудың 2011-2020 жылдарға арналған Мемлекеттік бағдарламасы / Қазақстан Республикасы Президентінің 2010 жылғы 7 желтоқсандағы №1118 Жарлығы//ресми мәтін. – Астана, 2012.
3. А.Қ.Әлімов. Оқытуда интербелсенді әдістерді қолдану. Алматы, 2012ж
4. Интернет қоры. bilimdiler.kz.
