Бүгінгі күнгі халықаралық ЭКСПО көрмесінің қазақ жерінде өтуі үлкен мақтаныш екені рас. Осы орайда жақсыны көрмекке деген қағидатта мектеп оқушылары да ЭКСПО көрермендері болып қайтты.Оқушылар Астана қаласына табан тірегеннен бастап бас қаланың көркі мен сипатына тамсана қарап қуаныштарын жасыра алмады. ЭКСПО қалашығына кірген сәттен әр республиканың көрмеге дайындаған шараларын көріп мәз болысты. Ең бастысы энергия көзін игеруге арналған тақырыптық көрмені көріп, энергияны үнемдеу мен тудыруға болатын жағдайларды оқушылар гидтердің көмегімен өздері жасап көрді. Әр тақырыптық көрмеде балаларға арналған танымдық ойындар ойнатылып, әсерлі бейне роликтер көрсетілді. Сонымен қатар, Корей, Жапон, Аргентина елдерінің энергия көздерін үнемдеуі мен қолдануы туралы тамаша таныстырылымдары оқушылардың естерінде ұзаққа дейін сақталатыны анық. Әр ұлт өкілдерімен тілдесіп, өз пікірлерін білдіріп жатты.
Көрмені өз көздерімен көріп, Астана қаласына саяхаттаған оқушылар жүрдек пойез ішінде өз әсерлерін айтып тауыса алар емес.
