Мақсаты: Жанұядағы ана мен қызы арасындағы қарым-қатынасты нығайту. Аналарына деген сүйіспеншілік сезімдерін арттыру. Мейірімді болуға, ата-ананы құрметтей білуге тәрбиелеу. Өнерлерін ортаға салу.2-жүргізуші:
Ержеткізіп елге берген баласын,
Ақылдысың, ардақтысың, данасың,
Қарайтыным қас-қабағың бір сенің
Қайратыңнан қайта көрме анашым
1-жүргізуші:
Біз ғана емес, қадір тұтқан бабалар,
Аналардан туған небір даналар.
Ана деген тіршіліктің тірегі,
Армысыздар, қасиетті аналар!
2-жүргізуші: Қош, келдіңіздер! Аяулы аналар, қызғалдақ қыздар, қадірлі ұстаздар! Көңілдеріңізге көктем шуағындай сезім мен нұр құйып, 8 наурыз — Халықаралық әйелдер мерекесі де келіп жетті. Осынау көркем мерекенің қай кезде де орны бөлек. Олай болатыны, аналарға ыстық сезім, алғыс пен құрмет ешқашан сөнбек емес. Олар — өмірдің гүлі, көңілдің жыры, әр отбасының алтын діңгегі. Олай болса бүгінгі бастауыш сыныптарда болғалы отырған «Анам және Мен» — атты сайысымызды бастауға рұқсат етіңіздер.
1-жүргізуші:
Аналар ақ тілекті, сөз көп дейін,
Жылытар жүрегіңді көз көп дейін.
Аналар ақ жаулықты бұл сіздерге
Қол соғып қарсы алайық бишілерді, -дей отырып, 2-сынып бишілерін ортаға шақырамыз.
2-жүргізуші:
Өнерпаздар өнерін салыстырып,
Бәйге үшін терлетер шабыстырып.
Әділдікті қолдайтын баға беріп,
Жіберейік қазыларды таныстырып, – дей отырып, сайысты бағалайтын әділқазылармен таныс болыңыздар:
1-жүргізуші:Енді сайысқа қатысушы анасы мен қыздарын ортаға шақырайық.
1-сынып оқушысы Инабат, анасы – Фарида апай
2-сынып оқушысы Балнұр, анасы – Сәуле апай
3 сынып оқушысы Аяулым, анасы – Алмагүл апай
4-сынып оқушысы Аружан, анасы – Армана апай
2-жүргізуші:
Аналар бар өнерін салары анық,
Өнегелі тәлімді алған қанып.
Ал ендеше таныстырып өтейін мен,
Бөлімдерін сайыстың бөліп жарып
1-жүргізуші:
Сайысымыз 6 бөлімнен тұрады.
- Тегін білген тектілік. Таныстыру. (анасы мен қызы өздерін таныстырады)
- Өнерліге өріс кең. (өз өнерлерін көрсетеді)
- «Он саусағың майысып, шебер болар ма екенсің?» қолөнер сайысы. (анасы мен қызы қазақтың оюын ояды)
- «Салт-дәстүрім – асыл қазынам» сайысы (салт-дәстүрге байланысты көрініс)
- Дәм думан. (анасы дайындап әкелген қазақтың ұлттық тағамын таныстыру)
- Қазақтың ұлттық киімінен сән үлгісі.
2-жүргізуші:
Келе жатқан мәңгілік дара салтым.
Мақтанышым, елдігім, парасатым.
Сенсің тілім, теңі жоқ тіршілігі,
Өміріме өң беріп жарасатын, — дегендей бірінші сайысымыз «Тегін білген тектілік» таныстыруды бастаймыз.
1-жүргізуші:
Біздің халық өнерпазға бай халық,
Әнші депте биші деп те айталық.
Талаптары таудай екен бүгінгі
Өнерлеріңді паш етіңдер, байқалық – дей отырып сайыскерлеріміздің өнерлерін тамашалайық.
2-жүргізуші: Бұл бөлімнің бағасын беру үшін әділқазыларға сөз береміз.
1-жүргізуші:
Халқым әркез мән берген қолөнерге,
Тәнті болып, сүйсінген хас шеберге.
Қолдан келген өнерді аямағын,
Көрсет қане, барыңды бұл бөлімде – дей келе, «Он саусағың майысып, шебер болар ма екенсің?» атты қолөнер сайысын тамашалайық.
2-жүргізуші: Біздің сайыскерлердің жұмысы дайын болғанша 3-сынып оқушыларының «Қос бәйтерек» атты әнін қабыл алыңыздар.
1 — жүргізуші:
Қазылар алқасына сөз.
Өзінің алғырлығын ұғындырып,
Көрсетер көп іздеген мығым қылық.
Келесі бұл сайыстың жоспарында
Түседі бәсекеге салт-дәстүрден бұл көріністер, – деп сайысымыздың үшінші бөлімізді бастайық.
2-жүргізуші:
Бұл мереке мәресіне таянған,
Көрсетіңдер бар өнерді аналар,
Бұл бөлімде барынша енді аянба – деп «Ас мәзірі» бөліміне берейік. Анасы дайындап әкелген ұлттық тағам түрін таныстырып өтеді.
1-жүргізуші: Қазақ биі
2-жүргізуші:
Үкілі камшат, бүрмелі көйлек,
Тұрғандай өзі, қимылсыз билеп,
Иықтан шашы, төгіліп жерге,
Күмістей шашбау, жарасып белге – деп ақын ағаларымыз жырлағандай, келесі кезекте сән үлгісіне береміз.
1-жүргізуші: Қазылар алқасына сөз берейік.
2-жүргізуші:
Аналар, қалқып бақыт аралында,
Лайым мұң қонбасын жанарыңа.
Осымен сайысымызды аяқтайық
Гүл бітсін бәріңіздің қадамыңа, – дей отырып, бүгінгі «Анам және Мен» атты сайысымызды жабық деп жариялаймыз. Ардақты аналар мейрамдарыңыз құтты болсын! Сау саламатта болыңыздар.
